Igl ei aunc buc aschi ditg anavos, ch'il parlament federal ha giu sia sessiun a Flem. La finamira dils organisaturs ei stada da presentar la regiun Surselva, resp. il quart lungatg naziunal.
Aschia vegnevan tut ils parlamentaris salidai per romontsch, quei che ha giu buna accoglientseha. Era han las excursiuns ella regiun gidau a c1amar en memoria nossa grondiusa regiun als parlamentaris. La Surselva spetga dalla sessiun in progress econom, oravontut sil camp turistic. Sin mias damondas hai jeu retsehiert dall'administraziun communala da Flem las suandontas rispostas:
Ha igl engaschi e las stentas per retscheiver la sessiun d'atun a Flem e Laax gia purtau fretg?
Igl engasehi per Flem, per la regiun e per il cantun ei sepagaus fetg bein. Las reportaschas ch' ein vegnidas admessas mintga di entras las medias ein nunpagablas. Ei semuossa ch'il cantun Grisehun ei fetg bein adattaus per talas occurenzas grondas. Gest sil camp dil turismus da congress havein nus saviu demonstrar ch'il Grischun porscha fetg bunas pusseivladads. Las consequenzas directas per Flem ei in grond diember da damondas e reservaziuns per congress (pigns e gronds) sco era da novs hosps individuals. Il nez per l'economia publica a liunga vesta e la buna reputaziun ein nunpagabels.
Tgei spitgeis Vus digl avegnir?
Nus sperein che la hotellaria e las autras instituziuns turisticas nezzegien il bien renum actual.
Vegnesses Vus aunc ina gada a decider tuttina?
Ord la vesta dil liug hospitont Flem vegnessan nus aunc inagada a sedecider gest tuttina. La
collaboraziun cun l'organisaziun dil project Grisehun ei stada oreifra ed ha mussau, ch' ins sa contonscher fetg bia sche tuts han la medema finiamira e sche tuts train vid il medem sughet.
Co ein ils resuns dalla gastronomia e dalla hotellaria stai?
Da principi ei igl eco staus fetg buns. Quels eh' ein sestentai cun in bien coneept e bunas ideas
per ils hosps ein era vegni remunerai cun ina buna sviulta. Quels che fan schiglioc era buca las massas han ussa era giu pauc ni nuot.